您现在的位置: 好彩足球网 >> 媒体推荐 >> 正文

[太阳拆局]英超攻略:阿仙奴大闹水晶宫

发表于:2021/10/18 9:41:00 来源:文章中心 点击数:

今晚英超独脚戏有伦敦打吡,阿仙奴主场迎战水晶宫,今场系两代「兵工厂」队长阿迪达与韦拉,执起教鞭后首次正面交锋。阿仙奴近5仗4胜重拾信心,不过水晶宫喺韦拉执教后大踢进攻足球,斗攻格局实多波入,2.5球嘅大盘更值得捧场。
(Now 621及611周二凌晨3时直播)

头3轮联赛输晒兼冇波入嘅阿仙奴,自从主帅阿迪达签入门神兰斯达尔同日本后卫富安健洋等新兵后,防守有改善之下,佢哋更加放胆进攻,连杯赛在内,近5仗取得4胜1和入8粒,布卡约沙卡、伊美路维、马田奥迪加特与队长奥巴美扬嘅进攻4人组,频有入球或助攻,打出行云流水嘅进攻。不过防中格列沙加继续因伤缺阵,冇咗佢作为防线前嘅屏障,点都有影响。

韦拉掌舵有利进攻
水晶宫今季改由韦拉掌舵,今仗系呢位前阿仙奴队长,首次以主帅身份领军出战旧东家,2005年「兵工厂」因要扑水建酋长球场,将佢卖走而冇得留喺呢间伦敦劲旅挂靴,今次倒戈梗系唔想失威。

虽然水晶宫开咧后7轮仅1胜,但韦拉注入侵略性压迫打法,有利进攻更有睇头,近5仗入8球失8粒,全开3球或以上,包括上轮落后2粒下,以2比2逼和李斯特城,攻起上嚟都唔讲得笑。加上近9次碰头,亦有7次开3球或以上,誓与阿仙奴斗攻,2.5球嘅入球大有计。

  • 上一篇文章:

  • 下一篇文章: 没有了
  • 推荐 媒体推荐
    • 此栏目下没有热点文章
    广告联系>> 在线QQ:1409990877  服务时间:11:00-24:00